طرق تطفيش العريس و نصائح للشباب

خطة لتطفيش عريس

lol!

وخصوصا اذا كان العريس مش حسب المواصفات الموجودة في الكتالوج :
نبدأ الخطة سوا:

1- لا تظهري لاهلك عدم الرضا ... (عشان تعرفي تكملي الخطة)

2- اهم اشي بالخطة من يوم ما تسمعي بالعريس لحد ما ييجي اوعي تتحممي ..

خلي الريحة الحلوة تطلع ...تنسيش تفرمي بصل كتير واذا في ثومة خيييير و بركة ..

طبعا (انتي عم بتساعدي ماما ما حد رح يحكي معك)

3- طبعا اليوم اهل العريس بدهم ييجو يشوفو (قمر الزمان) عشان هيك قمر الزمان لازم تضل نايمة

لقبل الموعد بساعة (عشان وجهها يتريح وما يبين انه تعبان) وهيك بتكوني ضيعتي على اهلك فرصة
انهم يكشفوكي.

4-اهل العريس (ابو الشباب) اجو... سلمي على امو بكل برود ... واعملي حالك قرفانة و شايفة حالك
بعدها اسحبي حالك على غرفتك ... (عشان بدك تز بطي حالك ولو ... )

و يلا نعرف خطوات احلى ميك
أب لهيك مناسبة :

*الكحلة : الكحلة جميلة جدا على العيون ... اتكحلي .... بس خلي الكحلة بعين اكتر من التانية..
وهيك بتضمني تكوني (حولة رسمي)

*كريم الاساس: ولوووو اكيد بدنا كريم اساس بس على الشفايف .. هيك ببين معك فقر دم

*الشادو : طبعا الشادو هو اللي بخبي البلاوي (وهو اللي ببين البلاوي ) الشادو الاسود على العيون

و ثقلييييييييه (ولوو مش هيك الموديل و الدليل اليسا) مع شادو اصفر على وجهك بدل (البلاشر)
وهيييييييك ببين معك كوليرا ..
..

و لازم تلبسي احلى موديل : تنورة خضرا (لون الخير ) و بلوزة حمرا (لون الحب) و البسي شالة
من سنة الف و تسعمية و ستة وخمسين خشبة و البابوج من العصر الحجري... تححححححفة

5- روحي عالمطبخ عشان توخدي القهوة ... بس اوعك امك تنتبه عالخبايص..

6- امشي بكل ثقة الى غرفة الضيوف ...(كل ما تكون ثقتك بنفسك اكتر بتبيني انك خبيرة
بهالامور)... وهيك .... ببلش الفار يلعب بعب ابو العريس ... وبصير يسأل حاله:
مدامها خبيرة هيك ليش اللي قبلنا
طفشو؟!!

(بس الفار بعب الابو ما بكفي ... لازم يكزدرلو شوي بعب العريس ابو الشباب)
امسكي القهوة ... اتفرجي بعيونه (واحولي عينيكي)... المسكين بكون وقع في الصدمة(من اول نظرة)

هو طبعا من شدة الصدمة رح ينسى القهوة... ذكريه وقوليله: " اي خلثنا يا ذلمة طول"

(يا عيني عاللي بقرطو .... بس اوعي ابوكي ينتبه)

طبعا دشري الزلام يحكو بالمهم .....
ارجعي لام العريس اللي بدها تشوف جمال شعرك

(هالمرة ما بدنا نعمل مقلب ... خليه حلو فش مشكلة ... سشوريه و اربطية بسسسسسسسس

اقعدي اهرشي و اهرشي و اهرشي قدامها ... تخيلي انه في حديقة حيوانات في راسك ...

مسكينة ام هالعريس

اذا نفذتي هالخطوات مية بالمية باكدلك ...رح تسمعي كلمة

: " يا الله " ... وتسمعي صوت ابوكي
بحكي للجماعة " شرفتونا" ... لانه الضيوف بدهم (يفلسعو ) قبل ما ينبلو هيك بلوة منيلة ....

afro

نتمنى الفائده للشباب و الصبايا lol!

تحياتي

اه شو رايكم .... ؟؟؟
اما انت ايها الشاب
... فعشان ما يصير فيك هيك مقلب ....

قبل ما تفكر تتجوز او تخطب ... تاكد جيدا انه فيك هذه الصفات

(حسب مؤسسة المقاييس و المعايير الدولية للصبايا في زمن الفضائيات)

1- رومانسية و جاذبية : (حبيب الصبايا) تامر حسني

2- طولك طول احمد عز واذا اطول خير و بركة.

3- ثقافة : جورج قرداحي

4- اناقة : نيشان ديرهورتنيان

5-عندك مواهب (طوني ابو جودة)

6- ضحكة وسنان : محمد حماقي ...(اموت واعرف شو المعجون اللي بيستعمله)

7-خفة دم : احمد حلمي ...

وتكون اعمى عن غيرها .. واطرش عن عمايلها... واخرس متسالهاش

خطييييييييييييييييييييييييييييييييييييييييييييييييييييييييييييير

والاحلى فكرة الهرش .. راح تطفشهم على الاخر

تحياتي اخوي احمد

.. الترف ..

يا لهوووووووووووووووووووووووي

هذي مو بس حطفش العريس .. هذي يمكن تطفش اهلي ويطردوني

lol!

تحياتي

والله فكره الحرش رهيبه يالترف Evil or Very Mad

ومش بس هيك يالبكريه ، يعني غير تطفيش العريس وتطفيش اهل العروس ، تعقييد العريس بحياتو ما يتزوج Laughing

مشكورين على المرور ما قصرتو

تحياتي للجميع

والله اذا ام العريس من نوع لوك لوك لوك بالكركي لقاقة اعتبرها ضمنة العنوسة

انا اموت واعرف انت من وين بتجيب قصصك

*الكحلة : الكحلة جميلة جدا على العيون ... اتكحلي .... بس خلي الكحلة بعين اكتر من التانية..
وهيك بتضمني تكوني (حولة رسمي)

معلومة البنات نفسهم مايعرفوها انت كيف جبتها لووووول لصبح

المثل بقول ان حبتك عيني ماضامك الدهر

والله اذا هي جربة ومحصبة وعورة وعاهة واهل العريس بدهم ياها بشوفوها قمر 14:lol!:

واذا حلوة وامورة وبنت ناس وشخصيتها رائعة وما بدهم ياها (كأن رموش العين الايمين اقصر من الشمال) هادي بتصير اهم عيبة

فهمتوني يا جماعة

الله يعطيك العافية يا احمد مواضيعك عسل

تحياتي لك

سوسنة الاردن ,,,,, وريحانة عي

والله يالسوسنه انك بتفشي الغل باللووووول تاعتك و دايما بتبسطيني lol!

اما من وين بجيب المواضيع هاي فخليها سر عشان دايما تشتاقو تسمعوهم lol!

تسلمي يالسوسنه على مرورك و تعليقاتك الحلوه

تحياتي لك