نكت من حمص,,,

قال مرة انعقد مجلس مدينة حمص .. واتفقوا على ترقيم النكت الحمصية .. ووضعها في سجل خاص
يكون مرجعاً شاملا لكل النكت الحمصية ( يعني حتى مايضيع هالتراث العريق )
ووضعوا السجل في مكتب رئيس البلدية .. وصارت الناس بدل ما تحكي النكتة .. يقولوا رقم النكتة .. وكلهم يضحكوا عليها .. ومرة راح واحد شامي على حمص .. وتجول في الأسواق . وفي شارع الدبلان وجد شلة شباب عم يحكوا نكت .. عم يقولوا أرقام .. ويضحكوا ... قال لحاله شو القصة يا ترى ؟؟ شو هدول غلطانين .. اليوم الاثنين .. مو الأربعاء .. .. يمكن يكونوا من برى حمص ..
شاف واحد على جنب وسأله .. شو القصة يا أخي .. على شو عم يضحكوا الشباب ؟؟
فحكى له ذلك الشخص القصة .. ( اذا عرف السبب بطل العجب )
قال لحاله هالشامي ... خلينا نشاركهم .. ودخل بينهم .. وقال : مرحبا شباب ..
الشباب : أهلين بالشامي .. (مابعرف كيف كشفوه ) ..
قال الشامي : اسمحولنا نشارك .. اذا في مجال ..
الشباب : تفضل .. أهلا وسهلا .. ميت السلامة ..
الشامي : 8 .. (ماحدا ضحك ) عادها .. 8 .. ( ماحدا ضحك )
الشامي : شو ياجماعة .. ليش ما عم تضحكوا ..
الشباب : بايخة
الشامي : طيب .. 50 ... ( الشباب كلهم صاروا يضحكوا من قلب ورب ..وبأعلى أصواتهم .. الشامي استغرب الأمر)
الشامي : شو ياحماعة .. ليش كل هالضحك .. ؟
الشباب : أول مرة بنسمعها .... هاهاهاهاها..
الشامي طيب .. غيرها .. 1105 ...
فجأة الشباب كلهم فرطوا من الضحك واغمي عليهم (يمكن ماتوا .. )
وطلبوا سيارة الاسعاف .. لما وصلت سأل الدكتور .. شوفي .. ؟
الشامي : أبدا .. كنا عم نحكي نكت .. فقلتلهم ..1105 .. فصار معهم هالحالة ..
الدكتور سمع هالرقم من هون .. وصار يضحك يضحك واغمي عليه متلهم ..
هادا الشامي استغرب .. ليش ؟؟؟ أكيد في سر .. وقرر يروح عالبلدية ويشوف شو هالنكتة ..
وقف تكسي .. وقاله وصلني عالبلدية ..
السواق: تكرم عيونك .. بس ما قلتلي .. شو رايح تعمل بالبلدية ؟؟ .. يعني انت غريب و نحنا بالخدمة
الشامي : لا ما في شي .. بس بدي اسأل عن النكتة 1105 ..
من لحظتها السواق صار يضحك يضحك يضحك .. واغمي عليه ..
الشامي قال لحاله شو هالقصة .. شو صاير للحماصنة اليوم؟؟؟
نزل ومشي مشي .. لحتى وصل لعند البلدية ( على فكرة عالطريق كان كل مايسأل عن طريق البلدية كانوا يسألوه شو رايح تعمل بالبلدية – فضول- وكان يصير معهم نفس الشي .. بس أنا ما بدي طول عليكم السيرة )
لما وصل عالبلدية .. سأله الحارس .. شو جاية تعمل باليلدية ؟؟
الشامي : بدي اسأل عن النكتة 1105 .. ونفس الشي صار مع الحارس ..
المشكلة أخونا صريح وما بيعرف يقول شي سبب تاني .. ( يمكن عم يتفشش بالحماصنة )
دخل الى مكتب رئيس البلدية .. وطبعاً سأله السكرتير .. شو بدك من رئيس البلدية ؟؟ وأول ما قله السبب
نفس الشي .. ( ما بدي عيد .. والله التعى قلبي )
المهم هادا دفش الباب ودخل على مكتب رئيس البلدية ..
رئيس البلدية : شو ابني شو طلبك ؟؟؟
الشامي : بدي اعرف شو قصة النكتة 1105 ...
رئيس البلدية كمان ضحك ضحك ضحك واغمي عليه ...
الشامي وجد السجل على المكتب .. فتحه وصار يقلب بالصفحات .. وصل للرقم
1000 يلا قربنا .

1100
1101
1102
1103
1104
للأسف وجد أن الصفحة اللي فيها النكتة 1105 عليها بقعة زيت كبيرة مما أدى إلى اختفاء الكلام نهائياً ..
The End
شو هالنكتة القاتولية ؟؟ .. انفلجت انا وعم اكتبها .....


الترف

ياحرااااااااااااااااااااااااااام كان نفسي اعرف النكته

هههههههههههههههههههههههه
مشكوره ياالترف


نوراه