اضحك مع المتزوجين
واحد ماشى مع خطيبته واخر انسجام
فقالها : عارفة اية هو الحب واية الجواز؟
قالته : لا
قالها : الحب زى النجوم الجميلة اللى فى السماء
قالتله : طب والجواز؟
قالها : دى الحفرة اللى بنقع فيها واحنا بنبص على النجوم
ooooooooooooooooooooooooooooooooooooooo
واحد متجوز وقاعد في البيت وبيبص كتير في عقد الزواج
مراته قالت له : بتبص في عقد الزواج ليه يا حبيبي؟
قالها : مش عارف يا حياتي المأذون كتب تاريخ انتهاء العقد فين
oooooooooooooooooooooooooooooooooooooooooooooooo
واحد قاعد في أمان الله بيقرا الجرنان
وفجأة جت مراته وضربته بغطا الحلة فوق دماغه .. طرررررخ
الزوج : 'فيه ايه يا بنت الحلال؟ ليه كدا؟؟؟
الزوجه : ايه الورقه اللي في جيب بدلتك ومكتوب عليها 'سوسو'؟
الزوج : يا بنت الحلال، ده أسم الحصان اللى بنشجعه في السباق!
الزوجه صدقته وراحت لحالها
بعد اسبوع
الزوج قاعد في أمان الله يقرا الجرنان
وفجأة جت مراته وضربته بغطا الحلة على راسه
الزوج : خير يابنت الحلال في ايه تاني؟
الزوجه : حصانك على التليفون
oooooooooooooooooooooooooooooooooooooooo
واحد بيقول لمراته ... انا النهاردة عايز رومانسية فى البيت
راحت الزوجة سألت امها : يعنى ايه رومانسية ؟
الام : مش عارفة بس احتياطى إنقعى الرز
ooooooooooooooooooooooooooooooooooooooooooooooooooo
مره واحده بتقول لجوزها
تصدق إن أنا كل يوم بحلم بيوم جوازنا
قالها
هى لسه الكوابيس دى بتجيلك؟
ooooooooooooooooooooooooooooooooooooooooooooooooo
مرة واحد قال لصاحبه
عاوز أعمل لمراتي مفاجأة فى عيد جوازنا
صاحبه قاله : هتعمل إيه؟
قاله : هوديها الصين
قاله : يا راجل فى عيد جوازكوا العاشر توديها الصين
أومال فى عيد جوازكوا الخمسة وعشرين هتعمل ايه؟
فقالوا : هروح اخدها
oooooooooooooooooooooooooooooooooooooooooooooooo
مرة دكتور دخل عنبر فى سراية المجانين لقى واحد بيخبط دماغة فى الحيطة
سأل الممرضة ماله ده ؟
قالت : أصله كان بيحب واحدة ومتجوزهاش
دخل العنبر الى بعده لقى واحد بيضرب نفسة بالشبشب قالها وده ماله
قالتله : اصل ده الى اتجوزها
ooooooooooooooooooooooooooooooooooooooooooooooooo
حكمة اليوم
لا تستعجل الرئاسة
لا تستعجل الرئاسة؛ فإنك إن كنت أهلاً لها قدَّمك زمانك، وإن كنت غير أهل لها كان من الخير لك أن لا ينكشف نقصانك
الترف