إعتراف

موضوع: إعتراف الخميس يوليو 10, 2008 4:15 pm

إعتراف

الله أكبـر يـوم صرتـي جنتـي
قلتي إنته عالمي وإنتـه سمـاه

قلتي شوقي قلتي همسي ولوعتي
إنت شيٍ داخل اعماقـي ضيـاه

العمر بستـان وإنتـه وردتـي
ما أطيق البعد عنـك يـا غنـاه

العمـر بكتـاب وإنتـه قصتـي
صدرك التحنان سجـادة صـلاه

قلتـي أحبـك وإسمـعه وش ونتـي
إسمع النبض بعروقي وش نـداه

إن سمعته تعرفـه وش علتـي
تعرف إنك بـس يـا خلَـي دواه

من عيوني من كلامـي ورقتـي
من سكوتي من حناني والشفـاه

من مشاعر صادقه من دمعتـي
تستطيع تحس حبّـي وش مـداه

تستطيع تحـس إنـك همستـي
إنك اول حب وكلـي لـك وفـاه

إنك احلامي وفكـري ولوعتـي
إنك الشريـان تعطينـي الحيـاه

هذا هو مضمون حبي يـا فتـي
لو أقول الشعر لأكتـب بالدمـاه

هذا إحساسـي وهـذي قصتـي
إعترافٍ يا ضيا عمـري وبهـاه

وش أسولف وش أقول لغنوتي
غاب عني الشعر مدري وش بلاه

أعترفلـك إنـك إنتـي دنيـتـي
إنك اللحظه الجميله فـي الحيـاه

إنك البسمـه، قلبـي ومهجتـي
إنك الكلمـه الحنونـه والغـلاه

ياملاكي يـا نهـاري وبسمتـي
يا شعـاعٍ حيّـر العقـل وبـلاه

ياعطوفه يـا أسـاس محبتـي
إنتي إنتي شي عالـي مستـواه

إنتي غيّرتـي حياتـي ولحظتـي
إنتي أرويتي عليـلٍ مـن ظمـاه

هو مكانك بين رمشي ومقلتـي
لا حشا بين الضلوع وفي الحشاه

إعتـرافٍ هـذي آخـر كلمتـي
إسمك إنتي راسخٍ ما في سـواه

الله أكبـر يـوم صرتـي جنتـي
قلتي إشرب من رحيق الشهد ماه